د می په 13، خبرونو او ټولنیزو رسنیو پوسټونو راپور ورکړ چې طالبانو په کابل کې د شیعه علماو شورا غونډه ګډوډ کړه، ادعا یې وکړه چې بینرونه یې غورځولي او د ګډون کوونکو د وژلو ګواښ یې کړی.
ټاکل شوې وه د شیعه علماوو شورا پنځمه مشورتي غونډه د روان کال د می میاشتې په ۱۳ مه نېټه د کابل ښار د نجات مدرسې په ودانۍ کې جوړه شي.
په ټولنیزو رسنیو کې د یوه پوسټ له مخې، په دې غونډه کې د افغانستان د شیعه علماوو د شورا د بنسټګر ایت الله اصف محسني لمسی یاسر محسني په ګډون ګڼو څېرو ګډون کړی و، د افغانستان د شیعه علماوو د سرتاسری شورا رییس آیت الله صالحی، د افغانستان د کډوالو چارو پخوانی وزیر سید حسین عالمي بلخي او نور. د یاسر محسني له قوله یوه سیمه ییز رسنی ده اطلاعات روز په نامه تایید کړې چی طالبانو ځواکونو دغه پیښه ګډوډه کړې او د دوی کړنې یې “غلط، افراطي او پارونکي” وبللې.
د بي بي سي پخواني خبریال بلال سروري یوه ویډیو خپره کړې، چې د ادعا له مخې د ګډوډۍ پایله ښيي چې سرلیک یې دی: څو ورځې وړاندې شیعه مشرانو امیر خان متقي ته ښه راغلاست ووایه. نن طالبانو د شیعه علماوو پر شورا برید وکړ او هر څه یې ګډوډ کړل.
په یوه بل ټویټ کې، یوه پخواني ژورنالیست د غونډې عکسونه او د ادعا شوي ګډوډۍ وروسته عکسونه شریک کړي، چې وايي “د میزونو او څوکیو له ماتولو او د بینرونو له مینځلو وروسته، دوی دا علما په سپکاوی او توهین سره د ریسالات مدرسې څخه ایستل.” ویډیو او عکسونه په ښکاره ډول ښيي چې هغه کوټه چې د علماوو غونډه وه، ویجاړه شوې وه.
انځور: د شیعه علماوو شورا د غونډې عکسونه، مخکې (پورته) او وروسته (لاندې).
نړيوال شيعه خبري اژانس شفقنا د مې په ۱۶مه نېټه ادعا وکړه چې لږ وروسته د شپږمې امنيتي حوزې مشر او د استخباراتو د ۴۹۵ څانګې مشر مولوي امين الله وقار د پېښې ځای ته ورغلل او ژمنه يې وکړه چې په پېښه کې ښکېل کسان به وپېژني او سزا به ورکړي.
د مې په ۱۴مه د ازادي راډیو په یوه مقاله کې ادعا شوې چې د طالبانو ویاند ذبیح الله مجاهد دوی ته ویلي چې د غونډې د ګډوډولو مسوول کسان لا له وړاندې نیول شوي دي.
هغه دا ادعا هم وکړه چې د دوی دغه کړنې د طالبانو تر منځ د همغږۍ د نشتوالي له امله دي، د ښاغلي مجاهد په وینا، که څه هم د طالبانو یوه ډله له غونډې خبر وه، خو د طالبانو بله ډله نپوهیدو او هڅه یی کړی چې د غونډې مخه ونیسي، ياسر محسني هم له خبريالانو سره خبرې وکړې او ويې ويل چې د طالبانو او شيعه ګانو ترمنځ اړيکې سوله ييزې او ښې دي، خو زياته يې کړه چې طالبان بايد د ښې داخلي همغږۍ له لارې د دا ډول پېښو مخه ونيسي.
پداسې حال کې چې د سرشمیرنې تازه معلومات شتون نلري، اټکل کیږي چې د افغانستان شاوخوا 20٪ نفوس شیعه دي، چې ډیری یې تاجک او هزاره دي، د طالبانو په ګډون اکثریت سني مسلمانان دي.
په تېر سپټمبر کې، د طالبانو له واک ته رسېدو وروسته، د شیعه علماوو شورا غړو په افغانستان کې د یوه ټول شموله حکومت غوښتنه وکړه، چې په کې د شیعه مسلمانانو استازیتوب وشي او د اقلیتونو حقونو ته درناوی وشي.
خبریال: افغان وتنس